اية القسم ده ؟؟
الجمعة 25 أغسطس 2017 - 22:08
بسم الله الرحمن الرحيم
بص يا بنى ... هنا انت هتعرف شوية حاجات عن الكلام اللى بنتكلم فيه بطريقة مختلفة عن اى حتة تانى ... و هنا احنا هنا بنحاول نفهم بعض من المصادر المتاحة و الموجودة في ايدنا و اننا نعرض لبعض مواضيع بالطريقة اللى احنا فهمينها بحيث لو فى حد فاهم حاجه غلط التانى يفهمهاله صح و لو حد فاهم حاجه و عرضها الكل يستفيد بيها ... بمعنى ...
دلوقتى انت ما انتاش فاهم التاريخ ده حقيقى و لا كذب طب لو حقيقى ليه بتطلع شائعات عنه؟؟؟ و لو انه كذب ليه اساسا بندرس من البداية ؟؟ هل التاريخ محرف ؟؟ هل التاريخ بيكتبه المنتصرون ؟؟
فأنت كده محتاج تفهم اية هو التاريخ و تعرفه فى دماغك بحيث تفهم اية العلم ده ...
فأحنا هنا بس بنعرفك هتفهم مواضيعنا ازاى فى الليلة دى ... هنقولك التاريخ من وجهة نظرنا يعتبر اية ... عايز تقول التاريخ ده عبارة عن اية بالأدلة من وجهة نظرك ماشى ... احنا هنا هنحاول نتكلم بالأدلة فنوريك التاريخ احنا فهمناه عامل ازاى ...
بس اعرف فى الاخر اننا هنحط كل الاراء دى بتاعتك و بتاعتى قدر المستطاع مع بعض و نطلع بالموضوع اللى احنا فاهمينه بطريقة منقحة تفيدك و تفيدنا ... و يعنى هيكون ليك دور لو عايز تعدل على الكلام هتقول رأيك عشان كده احنا عاملين المنتدى ... احنا عاملينه عشان نفهم بعض و بنعرض الموضوع من وجهة نظرنا صحيح بس ده بعد ما نسمعك و ناخد رأيك فى الحسبان ...
فنرجع لموضوعنا هنا هنعرف التاريخ بموضوع مستفيض عشان تفهم اية التاريخ ده و تستفيد منه ازاى و كذلك الفلك و كذلك الهندسة ان شاء الله ...
فأنت كل مرة هتدخل على القسم ده هتفهم ايدلوجيتنا كموقع بحيث تعرف تتعامل معانا ازاى احنا فاهمين الدنيا و هتقرأ مواضيعنا و لا لأ هتساعدنا فى انك تغير فكرنا لو كان غلط و لا لأ هتدعمنا عشان نكبر بفكرنا و لا لأ ...
القسم ده قابل للتعديل ( مش عيب يعنى ) .. يعنى انت لو جيت فى يوم و لقيت التعريف اتغير يبقى لازم تفهم ان ايدلوجيتنا كموقع اتغيرت و ده وارد ... ممكن اقتنع منك ان التاريخ بيكتبه المنتصرون فأغير كلامى بعدين اللى كتبت فيه مثلا ان التاريخ ده مش بالضرورة بيكتبه المنتصرون و هكذا ...
و ده هيحصل بعد مناقشتنا معاكم و هو ده معنى المنتدى و الموقع اننا نعلم بعض ...
لازم تعرف اننا هنا مش هنتكلم فى الدين بمواضيع مستقلة ... ممكن نتكلم فى الدين بأننا نفهمك ايدلوجيتنا فى الكون مثلا لكن مش هنشرحلك بقى مثلا درس عقيدة .. لأ ... كلمتين و رد غطاهم ( مثل بالمصرى يعنى متقلقش )
المهم أرجع القسم بقى و اعرف احنا فاهمين الدنيا ازاى ...
صلاحيات هذا المنتدى:
لاتستطيع الرد على المواضيع في هذا المنتدى