الرئيسية
الأحداث
المنشورات
أحدث الصور
التسجيل
دخول
SalsaCEO
- المساهمات : 16
رصيد النقاط : 45
السٌّمعَة : 2
تاريخ التسجيل : 12/02/2017
العمر : 29
الموقع : مصر
تعليق الإدارة : ده هنا الكل فى الكل ... ده صاحب و مدير الموقع و قناة اسطرلاب على اليوتيوب ... 
تعريف الزمن - السفر بالزمن 1
الإثنين 28 أغسطس 2017 - 21:52
بسم الله الرحمن الرحيم
#السفر_بالزمن 1...
هو شئ يعتبر وسيلة لتحديد ترتيب الأحداث و الوقت هو جزء معين منه ... يعنى الشوية من الزمن اسمهم وقت ... عارف حاجه كده زى الجنية و القرش ... الجنيه هو الزمن و القرش هو الوقت ...
و دى حاجه احنا عارفينها
لكن فى حاجه مهمة جدا بقى عايزك تاخد بالك منها ... الوقت ده فى النسبية الخاصة بتاعت اينشتين يعتبر بعد رابع للمكان 
... كلنا عارفين الطول و العرض و الارتفاع ... دى تلت ابعاد ... لكن لأ 
... العلم بيقول ان فى ابعاد احنا مبنشوفهاش الأبعاد دى اول حاجه فيها الزمن ... زى ما الطول و العرض و الأرتفاع بيتغيروا من شكل للتانى و من مكان للتانى فالوقت كذلك بيتغير ... يعنى الوقت على كوكب الأرض مثلا غير الوقت على القمر و غير الوقت على المريخ ... و دى سببها الجاذبية ...يعنى ببساطة شديدة جدا كل لما الجاذبية تختلف يبقى انت فى مكان تانى عليه وقت مختلف و احنا اتفقنا على كده فى العصر الحالى ... كل لما الجاذبية بتزيد الوقت بيمر بشكل بطيئ و كل لما الجاذبية بتقل الوقت بيعدى بشكل سريع ... و ده بتلاحظه فى وظائف جسمك لو انت قارنت فى الوقت بين الأرض و المريخ مثلا ... انت على المريخ لو بتتعرض للجاذبية و الشمس و الظروف بتاعت المريخ لو افترضنا انك هتستحملها اساسا هتعجز هناك بشكل سريع جدا لأن الأشعاعات بتاعت الشمس كتيرة عن الأرض بعشرات المرات و الجاذبية m/s2 3.711 غير الأرض اللى هى عبارة عن m/s2 9.8 فيه فرق طبعا ...
من الاخر كده الزمن مرتبط بالمكان ... هما الاتنين حاجه واحدة ... زى الطول و العرض و الارتفاع فى زيادة عليهم الزمن ... و زى ما انت بتقيس الطول و العرض و الارتفاع و الحجم و المساحة بالمتر و المتر المربع و المتر المكعب فأنت بتقيس الزمن بالثانية و الدقيقة و الساعة و السنة و اليوم و الشهر ...
و كل مكان فى الكون ليه ثانيته و دقيقته و ساعته و يومه ... بس احنا دايما بنسب الحاجات دى لنفس الحاجات دى على كوكب الأرض فبنقول مثلا ان السنة على المريخ اد 687 يوم من ايام الأرض و احنا عندنا السنة بتاعتنا دى 365 يوم أرضى عادى... فاهم حاجه ؟؟؟
... لأ يا كبير ركز معايا ؟؟
امال هتعمل اية فى الحاجات الجاية ؟؟ ... ركز كده الله يكرمك ... انشف كده .. 
شوية مصادر ؟؟ ... امين بص يا معلم
http://kaitect.com/HDY ... دى عن النسبية الخاصة
http://kaitect.com/HFn ... لو عايز تفهم يعنى اية جاذبية
http://kaitect.com/HGc ... لو كنت على المريخ اية اللى هيحصلك
http://kaitect.com/HHc ... ممكن تقرأ عن المريخ من هنا و ربنا معاك
صلاحيات هذا المنتدى:
لاتستطيع الرد على المواضيع في هذا المنتدى